“Orta tibb işçilərinin və əczaçıların diplomdan sonrakı təhsili üzrə təkmilləşdirmə” şöbəsi Ə.Əliyev adına Sumqayıt Tibb Kollecinin nəzdində 2010-cu ildən fəaliyyət göstərir.
Təkmilləşdirmə kurslarının məqsədi hər bir mütəxəssisin ixtisası üzrə peşə hazırlığının yüksəldilməsinə, formalaşdırılmasına, nəzəri biliklərin təcrübə ilə əlaqələndirilməsinə, müasir peşə vərdişlərinin qazanılmasına xidmət edir.
Təkmilləşdirmə şöbəsində müxtəlif ixtisaslar üzrə ümumi təkmilləşdirmə, tematik və peşə hazırlığı kursları həyata keçirilir. Kurslara Səhiyyə Nazirlyinin və təhsisatlı tibb idarələrinin tabeçiliyində olan, özəl səhiyyə müəssisələrində çalışan orta tibb işçiləri, eyni zamanda tibb kolleclərini bitirib uzun illər çalışmayan məzunlar müraciət edə bilərlər.
Ümumi və tematik kursların tarixi, müddəti və qəbul planı Azərbaycan Respublikası Səhiyyə Nazirliyinin təsdiq etdiyi təqvim planına uyğun təşkil olunur. İl ərzində müxtəlif ixtisaslar üzrə əlavə kursların keçirilmə zəruriyyəti yaranarsa, Səhiyyə Nazirliyinin icazəsi əsasında bu kursların təşkili də həyata keçirilir.
Müdavimlərin kurslara qəbulu Səhiyyə Nazirliyi tərəfindən tərtib olunmuş elektron əmr əsasında aparılır. Müraciət etmiş hər bir müdavimin diplomları tərəfimizdən yoxlanılaraq qəbul edilir. Kurslar ödənişsiz və ödənişli əsaslarla həyata keçirilir.
Təkmilləşdirmə şöbəsində aşağıda adları qeyd olunan ixtisaslar üzrə kurslar təşkil olunur:
- Tibb bacısı
- Mamalıq
- Sanitar feldşer
- Əczaçılıq
- Ortopedik stomatoloqiya
Tematik kurslar:
- Yoluxucu xəstəliklər şöbələrinin tibb bacıları;
- Yenidoğulmuşlara qulluq;
- Təcili və təxirəsalınmaz yardım;
- Ağciyərlərin süni ventilyasiya (ASV) aparatına qoşulan xəstələrə qulluq;
- Fizioterapiya və tibbi reabilitasiya;
- Təlimatçı dezinfektorlar üçün;
- Tibbi avadanlıqların işləmə qaydaları (Rentgen aparatları);
- Diyetologiya;
- Dayaq-hərəkət aparatının travmalarından və əməliyyatlarından sonrakı reabilitasiya;
- Hamilə qadınlara və erkən yaşlı uşaqlara patronaj xidmətinin universal proqressiv modeli;
- Xəstələrin əməliyyata hazırlanması və əməliyyatdan sonrakı dövrdə qulluq;
- Onkoloji xəstələr qulluq;
- Avtoklavlaşma və tibbi alətlərin sterilizasiyası;
- Təhsil müəssisələrində tibbi xidmət;
- İmmunlaşdırma;
- Tibbi masaj;
- Tibbi avadanlıqların işləmə qaydaları (MRT, KT, USM və digər aparatlarla);
- Sarğıların və şinlərin qoyulması texnikası;
- Ürək-damar əməliyyatından sonrakı xəstələrə qulluq və Elektrokardioqrafiya;
- Şəkərli diabeti olan xəstələrə qulluq;
- Psixiatriya şöbə və kabinetlərinin tibb bacıları üçün;
- Müalicəvi bədən tərbiyəsi;
- Baş və böyük tibb bacılarının işinin təşkili;
- Sağlamlaşdırıcı masaj.
Təkmilləşdirmə şöbəsində dərslər kollecin pedoqoji şurasında müzakirə olunmuş və təsdiq edilmiş proqramlar əsasında aparılır. Pedaqoji şurada şöbədə il ərzində görülən işlərin hesabatı dinlənilir.
Məlumdur ki, təhsilin keyfiyyətinin yüksəldilməsinə təsir edən ən mühüm amillərdən biri tədrisin səmərəli təşkilidir. Dərslərin təkmilləşdirilməsi, yenilənməsi, müasir təlim metodlarının tətbiqi, yeni texnologiyaların tədrisə gətirilməsi sahələrində innovativ yanaşmalar, təşəbbüslər tədrisin əsas məqsədini təşkil edir. Bu istiqamətdə son illərin ən mühüm yeniliyi isə, tədrisdə müasir, fəal, interaktiv dərslərin tətbiqidir. Müəllimlər tədris prosesində müasir-interaktiv dərslərdən geniş istifadə edir.
Kursun sonunda müdavimlər şəhadətnamə ilə təmin olunurlar.
Dövlət və özəl tibb müəssisələrindən müraciət edən müdavimlər üçün:
- Şəxsiyyət vəsiqəsi və surəti;
- Diplom və surəti;
- Əmək kitabçasının surəti (müəssisə rəhbəri tərəfindən təsdiq olunmuş);
- Sertifikasiya şəhadətnaməsinin surəti (Sertifikasiya imtahanında iştirak edibsə).
Sertifikasiya imtahanından az bal toplayan müdavimlər üçün:
- Diplomun surəti:
- Şəxsiyyət vəsiqəsinin surəti;
Peşə hazırlığı kursu keçmək üçün müraciət edən müdavimlərə:
- Şəxsiyyət vəsiqəsi və 2 surəti;
- Diplom və 2 surəti;
- Nigah haqqında şəhadətnamənin 2 surəti (əgər soyadda dəyişiklik olarsa);
- Əmək kitabçasının 2 surəti (son 5 ildə tibb müəssisəsində orta tibb işçisi kimi çalışıbsa)
