Tələbələr H.Əliyevin əziz xatirəsini ehtiramla yad ediblər

Səhiyyə Nazirliyi Ə.Əliyev adına Sumqayıt Tibb Kollecinin Tələbə Gənclər Təşkilatı (TGT) və Tələbə Həmkarlar İttifaqı Komitəsinin (THİK) fəal üzvləri ulu öndər Heydər Əliyevin irsini daha dərindən öyrənmək məqsədilə Heydər Əliyev Mərkəzinə ekskursiya təşkil ediblər.
 
Ekskursiya çərçivəsində tələbələr əvvəlcə ümummilli lider Heydər Əliyevin abidəsi önünə gül dəstələri qoyaraq, onun əziz xatirəsini ehtiramla yad ediblər.
Daha sonra tələbələr Heydər Əliyev Mərkəzində yerləşən eksponatlarla tanış olaraq, onun həyat və fəaliyyətinə həsr olunmuş geniş ekspozisiya ilə bağlı ətraflı məlumat əldə ediblər. Gənclər Ulu Öndərin dövlət quruculuğundakı müstəsna xidmətləri, Azərbaycan xalqının milli-mənəvi dəyərlərinin qorunub saxlanılması istiqamətindəki fəaliyyəti və təhsilə göstərdiyi diqqət haqqında geniş biliklər qazanıblar.