Yaşıl dünya naminə həmrəylik ili

Səhiyyə Nazirliyi Ə.Əliyev adına Sumqayıt Tibb Kollecində “Yaşıl dünya naminə həmrəylik ili"nə həsr olunan tədbir keçirilib.
Tədbirdə kollecin pedoqoji kollektivi və tələbələr iştirak ediblər.
Azərbaycan Respublikasının Prezidenti İlham Əliyevin 25 dekabr 2023-cü il tarixli Sərəncamı ilə 2024-cü il “Yaşıl dünya naminə həmrəylik ili” elan edilib.

Tədbirdə tələbələr 2024-cü ilin “Yaşıl dünya naminə həmrəylik ili” elan edilməsinin təkcə ölkəmiz üçün deyil, bütün dünya üçün qlobal çağırış olmasından, ekoloji problemlərin həlli və ətraf mühitin qorunub saxlanmasının vacibliyindən danışaraq ətraf mühitə qarşı həssas münasibətin formalaşdırılması, təbii sərvətlərə və mədəni dəyərlərə hörmətlə yanaşılması ilə bağlı marifləndirici çıxışlar ediblər.
Tədbirin sonunda “Yaşıl dünya naminə həmrəy olaq” mövzusuna dair tələbələrimizin əl işi rəsm əsəri nümayiş olunub.